martes, 17 de enero de 2017

Adriana López gana "Sácame pola pinta"

La primer edición del concursu d'imitadores pa menores de 18 años "Sácame pola pinta", ya tien el resultau. Adriana López, de 9 años, natural de Tinéu, algama el primer puestu imitando a Silvia Quesada col cantar "De llonxe gano". 
Silvia Quesada y Adriana López
 El pasáu 4 xineru dio llugar la gran final nel Nuevu Teatru de La Felguera (Llangréu), una gala na qu'acturaon tolos finalistes imitando a artistes asturianos como Melendi, La Pastorina, Víctor Manuel o Los Berrones, entre otros.Tolos miembros del xuráu presentes na gala, Tamara Argüelles (Conceyala cultura del Aytu. Llangréu), Ramón Blanco (Los Berrones), Xune Elipe (Dixebra), Fernando Valle Roso, David Varela (La bandina), Silvia Quesada y Alfredo González, ficieron cada unu'l so propiu resultáu. Durante los díes posteriores a la final publicáronse tolos vídeos de los imitadores pa que "Facebook" ficera de octavu miembru del xurau. Un vez termináu el plazu pa dar "ME gusta" nos vídeos fízose el cálculu de los ocho xuraos, resultando ser ganadora Adriana López por unanimidad, pues tolos miembros del xuráu la punxeren primera, y en facebook obtuvo el mayor númeru de "Me gusta".
Nes prósimes selmanes, Adriana López, entrará nel estudiu de grabación a grabar cuatro cantares nun discu promocional, esi ye'l premiu por ser la ganadora de "Sácame pola pinta".
“Sácame pola pinta”fue'l platu fuerte del llamáu “Salón de la infancia” entamáu pol Ayuntamientu de Llangréu, nel que se desarrollaron delles actividaes rellacionaes cola cultura asturiana, a lo llargo de les feches navidiegues.
Publicar un comentario